Rasebeskrivelse

Fjordhesten har i uminnelige tider vore ein sentral del av gardsarbeidet og trafikkbiletet dei fleste stader på Vestlandet. I jord-, skogbruk og skyssverksemd var fjordhesten ein uunnverleg arbeidskamerat, som var med på å legge livsgrunnlaget for folk rundt om i Norge i eldre tid. I tillegg til arbeidet på markene og i skogen, var han også eintrufast kløvhest når mat og utstyr skulle fraktast til fjells. den dag i dag finn vi framleis fjordhesten gåande i jordbruk, skogbruk og skyssverksemd.

Trass i uheldig kryssningsavl og utryddingsfare tidleg på 1900-talet, har standhaftige forkjemparar for fjordhesten klart å halde rasen rein. Med målretta og systematisk avlsarbeid, har fjordhesten halde på særpreget, og har i dag en sterk posisjon både i langstrakte Norge og i utlandet. Fjordhesten har framleis sine trufaste tilhengarar i mang ein familie, i tillegg til alle dei som etterkvart har teke til å bruke han som ein allsidig sports- og fritidshest.

Fjordhesten - ein allsidig rase
Fjordhesten har vist at han er ein hest som fungerer for mange ulike brukargrupper. Haldbarheit, styrke og godt lynne er blandt dei mest framtredande eigenskapane for denne rasen.
Mange ser fjordhesten som sin sjølvskrivne turkamerat. Då han har eit stødig gangelag, tek han seg lett fram i bratt og ulendt terreng.
På grunn av storleiken og det stabile lynnet, er han og godt eigna som terapihest. I tillegg er fjordhesten ein allsidig sportshest, som høver like godt for nybegynnarar som for erfarne ryttarar og kuskar.

Fjordhesten sine særeigne fargar og avteikn:

GRÅ

Frå heilt lys til mørkare grått hårlag, ofte med mørkt muleparti.

Svart midtstol

Svart og kvit lugg, hale og hovskjegg.

Svart ål

Foto: Elin Ellingsen